Rautt ljós þýðir að það sé villa í stöðinni sem hindrar að hleðsla hefjist af öryggisástæðum.

Algengasta ástæðan er að hleðslustöðin hefur misst samband við hleðslukerfið (t.d. misst netsamband) og nær ekki að senda frá sér mælingar fyrir álagsdreifinguna. Þá stöðvar hún hleðsluna til öryggis svo að rafmagn slái ekki út.

Aðrar ástæður tengjast bilun í vélbúnaði.

Best er að hringja í 513 1919 til að fá aðstoð eða senda tölvupóst á netfangið:

thjonusta@hledsluvaktin.is

Helstu ástæður:

• Bíllinn er ennþá að hlaða. Það þarf að stöðva hleðsluna og taka svo úr sambandi.
• Bílinn er læstur. Það þarf að aflæsa bílinn og taka svo úr sambandi.
• Á sumum bílum er takki við tengið sem þarf að ýta á til að ná að taka úr sambandi. Bíllinn þarf að vera ólæstur svo að hann virki.
• Á sumum bílum þarf að læsa bílnum með hnappnum á lyklinum og aflæsa aftur með því að ýta tvisvar á hnappinn (ca 1-2 sek á milli) til að stöðva hleðsluna og aflæsa hleðslukapalinn.
• Pinninn er fastur og heldur hleðslukaplinum. Það þarf að ýta hleðslukaplinum inn í hleðslustöðina og svo aftur út.

Það er aldrei góð hugmynd að nota mikið afl til þess að ná hleðslukaplinum út.

• Haldarinn (klóinn) á hleðslukaplinum gæti verið bráðin í tenginu á hleðslustöðinni. Best er að hringja í 513 1919 til að fá aðstoð.

Hvoru tveggja er almennt og öruggt en þó er betra fyrir rafhlöðuna að hlaða heima fyrir í AC hleðslustöð fyrir líftíma rafhlöðunnar.

Hlaða uppí 100%:

• Óhætt þegar þú hleður heima (AC hleðslustöð).

Hlaða uppí 80%:

• Góð regla að stöðva hleðslu í 80% þegar þú hleður á hraðhleðslustöð (DC hleðslustöð).

Flestir rafbílar eru með LFP (lithium iron phosphate) eða NMC (nickel manganese cobalt) rafhlöður sem báðar þola 100% hleðslu við hefðbundna hleðslu heima fyrir.

Hins vegar ef þú hleður oftar en einu sinni í viku og ferð ekki mikið í langferðir er gott að hlaða inná milli uppí 80% - 90%.

Góð regla er að hlaða bílinn þegar ca. 40% er eftir af hleðslunni til þess að stytta hleðslutímann í hvert skipti.

Það má hlaða rafhlöðuna í lofthitastigi 0°C - 30°C en besta lofthitastigið fyrir hleðslu er stofuhiti 20°C - 24°C.

Að hlaða rafhlöðuna yfir 40°C og neðar en 0°C getur hægt á hleðslunni um 20% - 50%.

ATH. ÞAÐ ER EKKI ÞÖRF Á ÞVÍ AÐ TÆMA RAFHLÖÐUNA VEGNA HEILSU RAFHLÖÐUNNAR.

Þegar hleðslan hefst eðlilega en stöðvast áður en rafhlaðan er fullhlaðin er ástæðan oft sú að stöðin hefur misst samband við hleðslukerfið til þess að senda inn mælingar fyrir álagsdreifingu.

Þá stöðvast hleðslan af öryggisástæðum en ef hleðslustöðin er reglulega að stöðva hleðsluna er best að hafa samband í síma 513 1919 eða senda tölvupóst á netfangið:

thjonusta@hledsluvaktin.is

Það er betra fyrir bílinn þinn og fyrir fjölbýlið í heild.

Þegar hleðslukerfi er sett upp í fjölbýli er það gert af öryggisástæðum (stýra rafmagnsálagi) og til að ná fram hámarks hleðslukrafti þegar margir hlaða á sama tíma.

Hleðslukerfi tengist við sameiginlega raflögn og deilir rafmagni á milli margra bíla í hleðslu á sama tíma með álagsdreifingu.

Með þessu móti geta margir bílar hlaðið á sama tíma án þess að slá út rafmagni.

Hleðslukerfi er fulllestað þegar nokkrir bílar hlaða á sama tíma þannig að ef einn bíll hleður utan hleðslukerfisins getur hann valdið því að rafmagn slái út fyrir alla þar sem sá bíll var ekki hluti af virkri álagsdreifingu.

Helsti kosturinn fyrir hvern og einn að hlaða í hleðslukerfi er að hlaða á 3ja fasa rafmagni.

Ferðahleðslutæki eða 'ömmukapall' er fyrst og fremst neyðarhleðslutæki og hannað sem slíkt.

Neyðarhleðslutækið er ekki hannað fyrir reglulega notkun heldur til þess að geta reddað örhleðslu sem neyðarúrræði, líkt og varadekk til að komast á næstu hleðslustöð.

3 helstu staðreyndir um notkun neyðarhleðslutækja:

1. Stífir vírar í raflögnum húsa fyrir hefðbundna tengla (10A - 16A tengla) þola ekki 4 klst - 12 klst (oft lengri tími) álag vegna hleðslu sem veldur því að einangrun víranna hitna um of og morkna með tímanum = eldhætta.
2. Sama á við um sjálfa tenglana sem oft bráðna eða brenna á undan vírunum. Að skipta um tengilinn lagfærir þó aðeins tengilinn en ekki vírana.
3. Stærð rafmagnsöryggja (sjálfvara) fer eftir sverleika vírana sem þau tengjast. Því er ekki alltaf gott ráð að stækka rafmagnsöryggið til þess að auka hleðsluhraða, það bræðir og brennir víra og tengla hraðar líka.

Góð regla er að tengja saman bíl og hleðslustöð líkt og bíl og dekk, nauðsynlegt saman til að leggja af stað.

Hraðhleðslustöðvum er ætlað að vera á almenningsstöðum fyrir fólk á ferðalögum til að bæta á rafhlöðuna nægilega mikilli hleðslu til að komast á áfangastað.

Á ferð í kringum landið er þó í lagi að notast eingöngu við hraðhleðslu þar sem það er í takmarkaðan tíma.

Hraðhleðslustöð er hönnuð til að streyma rafmagni beint til rafhlöðunnar með jafnstraum (DC). Með þessu móti er hægt að koma umtalsvert meiri rafafli til rafhlöðunnar en við þessa aðferð myndast mun meiri hiti á rafhlöðuna sem eykur álag á rafhlöðuna.

Við þetta aukna álag á rafhlöðusellurnar verður hrörnun rafhlöðunnar hraðari og líftíminn því styttri.

Við hleðslu með riðstraum (AC) þá sendir hleðslustöð riðstrauminn fyrst í hleðslujafnarann í bílnum sem breytir riðstraumnum í jafnstraum þar sem rafhlaðan getur einungis geymt jafnstraum.

Stutta svarið er að hlaða á hleðslustöð (3.6kW - 22kW) fyrir innanbæjarakstur og á hraðhleðslustöð (50kW - 300kW) á ferðalaginu.

Það er alltaf bíllinn sem ræður hleðsluhraðanum (álagsdreifing getur lækkað hleðsluhraðann).

• Bílinn þarf að vera með 22kW hleðslugetu til að hlaða á 22kW þrátt fyrir að hleðslustöðin sé 22kW.

Hleðsluhraði í hleðslustöð er alltaf takmörkuð við 7.4kW á stakan fasa að hámarki.

• Bíll með 1 fasa hleðslugetu hleðslu því aldrei meira en 7.4kW (1 x 7.4).
• Bíll með 3 fasa hleðslugetu hleður því aldrei meira en 22kW (3 x 7.4).

Langflestir rafbílar hlaða á 11kW (3 x 3.6kW) á meðan flestir tvinnbílar hlaða oftast á 3.6kW.

Sama á við um hraðhleðslustöðvar nema þær eru ekki með fasa heldur streyma rafmagni beint í gegnum plús og mínus tengipinna.

Reglan er því sú að stinga bílnum í samband og leyfa honum að hlaða eins og hann vill.