Skilmálar fyrir leigu á hleðslustöð

Hleðsluvaktin ehf., kt. 691119-1650 rekur leiguþjónustu á hleðslustöðvum (Hleðsluleiga) til hleðslu bifreiða og eru skilmálar leigunnar eftirfarandi:

1. Samþykki á leigu hleðslustöðvar

   1. Með pöntun, uppsetningu og/eða notkun á hleðslustöð í leigu frá Hleðsluvaktinni hefur viðkomandi samþykkt að leigja hleðslustöðina og greiða uppsetningarkostnaðinn.

2. Samningstími á leigu hleðslustöðvar

   1. Leiga af hleðslustöð skal vera með eins mánaðar (dagatalsmánuð) uppsagnarfrest, t.d. leigu sagt upp í janúar þá er febrúar gjaldfærður.

   2. Fyrsti leigumánuður skal vera frá afhendingu hleðslustöðvar.

3. Afhending og meðferð á hleðslustöð

   1. Hleðslustöð skal teljast afhent þegar hún er uppsett og tilbúin til notkunar.

   2. Leigjandi skal vera ábyrgur fyrir góðri meðferð á hleðslustöðinni þannig að hún hljóti ekki varanlega skemmd.

4. Gjald og greiðslur fyrir leigu hleðslustöðvar

   1. Leigugreiðsla fyrir hleðslustöð er almennt mánaðarleg, nema sé um annað samið.

   2. Upphæð leigugjalds skal vera samkvæmt pöntun á viðkomandi hleðslustöð.

   3. Leigugreiðslur eru almennt innheimtar með greiðsluseðli í einkabanka.

5. Uppsögn og skil á hleðslustöð

   1. Uppsögn á hleðslustöð skal berast Hleðsluvaktinni með tölvupósti á netfangið info@hledsluvaktin.is

   2. Skil á hleðslustöð skal miðast við uppsagnarfrest.

   3. Leigjanda er óheimilt að láta þriðja aðila aftengja og/eða fjarlægja hleðslustöðina án samþykkis frá Hleðsluvaktinni.

   4. Leigjandi skal skila hleðslustöð með fulla virkni og með óskemmt útlit.

   5. Hleðsluvaktin skráir ástand hleðslustöðvar við skil og skal eiga rétt á að sækja bætur hjá leigutaka fyrir skemmda hleðslustöð.

   6. Hleðsluvaktinni er heimilt að rifta leigusamningi án fyrirvara og fjarlægja hleðslustöðina á kostnað leigutaka ef vart verður um óæskilega notkun eða meðferð á hleðslustöðinni.

6.  Ágreiningur

   1. Samningsaðilar eru sammála um að reyna af fremsta megni að leysa öll ágreiningsmál utan dómsmála.

   2. Ef ágreiningur verður ekki leystur með sameiginlegri niðurstöðu má reka málið fyrir Héraðsdómi Reykjaness.

7. Gildistími
   1. Skilmálar þessir gilda frá 1. janúar 2022.