Ef þú ert leigir húsnæðið væri kannski ráð að leigja hleðslustöðina líka.

Ef þú átt húsnæðið en ætlar að búa þar skemur en 3 ár væri kannski ráð að leigja hleðslustöðina.

En ef þú átt húsnæðið væri ráð að kaupa hleðslustöðina þar sem hún eykur verðgildi eignarinnar.

Að kaupa er einnig betri fjárfesting þar sem hleðslustöðin hefur annars borgað sig upp á um 3 árum (32-36 mánuðum) í leigu.

Til umhugsunar:

• Almennt bila hleðslustöðvar lítið og gæða hleðslustöðvar duga í allt að 20+ ár við góða meðferð.
• Hleðslustöðvar verða ekki úreltar vegna þróunar á rafhlöðum í rafbílum þar sem rafmagn í húsum er alltaf riðstraumur (AC) og er háð afltakmörkun.

Hleðslustöðvar fyrir heimili nota stýribúnað og öryggisbúnað til þess að stýra háum rafstraum á öruggan hátt til rafhlaðna í bílum.

Það eru tvær útfærslur af hleðslustöðvum fyrir heimili:

1. Heimahleðslustöðvar (ekki snjallar) sem virkja hleðslu með því einu að stinga þeim í samband við bíl og bíllinn virkjar hleðsluna án álagsstýringar.
2. Kerfishleðslustöðvar (snjallar) sem eru netengdar og nota samskipti við hleðslukerfi til þess að virkja, stýra, geyma og senda mælingar af hleðslu bíla.

Kerfishleðslustöðvar eru því aðallega notaðar í fjölbýlum og fyrirtækjum, þar sem margir bílar hlaða á sama tíma, til þess að álagsdreifa rafmagni milli bíla og rukka notendur fyrir sínar hleðslur.

Sérbýli nota kerfishleðslustöðvar aðallega til þess að stýra og skoða hleðslunotkun sína í símaappi og/eða til þess að setja tímastillingu á hleðsluna.

Við seljum ekki rafmagn fyrir hleðslu í sérbýlum en getum séð um rafmagn fyrir hleðsluaðstöðu í fjölbýlum.

Húsfélög nota almennt rafmagn frá sínum raforkusala í hleðsluaðstöðu frá okkur, oftast í gegnum rafmagnið fyrir sameignina.

Húsfélög ráða því í flestum tilfellum hvert hleðslugjaldið er og miðast það við þeirra rafmagnskjör frá raforkusalanum sínum.

Hleðsluvaktin tekur þjónustugjald af notkun í gegnum sitt hleðslukerfi.

Hægt er að velja á milli tveggja þjónustugjalda:

• 10% gjald ofan á hleðslugjald húsfélagsins sem hentar þeim sem hlaða að hámarki ca 250 kWst - 270 kWst (ca 1.500 km - 1.620 km) á mánuði.
• Fast gjald á mánuði sem setur þak á þjónustugjaldið fyrir þá sem keyra meira.

Sérbýli

Við gefum tilboð í uppsetningu á hleðslustöð fyrir sérbýli þar sem aðstæður geta verið afar ólíkar hjá hverjum og einum.

Fjölbýli

Uppsetning á hleðslustöð í fjölbýli er almennt fast gjald sem er jafnt fyrir alla íbúa.

Innifalið í uppsetningargjaldinu er uppkomin hleðslustöð sem er tilbúin til notkunar.

Fyrir sérbýli þarf ekki að kaupa uppsetningu með leigu eða kaupum á hleðslustöð.

Fyrir sérstæðið í fjölbýli þarf að kaupa uppsetningu á hleðslustöð frá okkur vegna ábyrgðarmála og tengingar inná hleðslukerfið okkar.

Almennt er biðtími á uppsetningu eftir staðfesta pöntun 4 - 7 virkir dagar.

Fyrirvarinn eru heilsufar, veðurfar og ef hleðslustöðin sé ekki til á lager og fyrirséð er um framleiðslutafir sem seinka sendingu til okkar frá birgja.

Hleðsluinnviðir eru uppsett raflögn í húsnæðið og rafmagnsvörn í rafmagnstöflu fyrir hleðslustöð/var. Hleðslukerfi er svo tengt við hleðsluinnviðina og hleðslustöðvar eru svo tengdar inná hleðslukerfið fyrir hvert bílastæði fyrir sig.

Það má teljast mikilvægt fyrir fjölbýli og sérbýli að eiga en ekki leigja sína hleðsluinnviði, sérstaklega þar sem hleðsluinnviðir eru undirstaðan fyrir því að nota hleðslustöð/var.